Azərbaycan, Bakı, 06 oktyabr / Trend , müxbir Ü.İsmayılova/
İlin sonunadək Litvada Azərbaycan Ticarət Evinin açılması planlaşdırılır. Bu barədə Azərbaycanda Litva Ticarət Evinin direktoru Əhməd Məmmədov çərşənbə axşamı bildirib.
"Hazırda tərəflər Litvada Ticarət Evinin açılması üzrə danışıqlar aparırlar, - o deyib. - Azərbaycandan Litvaya əsasən pomidor, xiyar və digər ərzaqlar ixrac ediləcək".
Azərbaycandakı Litva Ticarət Evinin fəaliyyətindən danışan Məmmədov deyib ki, mayda keçirilən "Qida sənayesi" adlı XV Azərbaycan Beynəlxalq sərgisindən sonra Litva Ticarət Evindəki satışın həcmi 70 faiz artıb.
Azərbaycandakı Litva Ticarət Evi əsasən süd və süd məhsulları, makaronlar və digər ərzaqlar idxal edir.
Məqalə müəllifi ilə əlaqə ünvanı: [email protected]
