Bakı, Azərbaycan, 15 oktyabr / Trend , müxbir N.İsmayılova/
Azərbaycan bankı Unibank bu ay ərzində AYİB-dən və Avropanın maliyyə institutları qrupundan konversiya olunmuş istiqrazların buraxılması üçün maliyyə paketi çərçivəsində 83 milyon dollar alacaq, bankın Müşahidə Şursaının sədri Eldar Qəriubov Bakıda keçirilən MDB-nin iştirakçı dövlətlərinin II Beynəlxalq Bank Konfransında deyib. Bir müddət əvvəl imzalanmış razılaşmaya müvafiq olaraq, bank 25 milyon dollar dəyərində istiqrazlar buraxacaq.
"Bu paketin bir hissəsi ölkənin Mərkəzi Bankına olan borcların ödənilməsinə istiqamətlənəcək", - Qəribov deyib.
Onun sözlərinə görə, MB-dan cəlb edilən vəsaitləri bank tədricən alıb və eyni vaxtda da onların qaytarılmasını həyata keçirib.
Qəribovun sözlərinə görə, bank 83 milyon dollarlıq maliyyə paketi çərçivəsində maliyyyə institutlarından 58 milyon dollar alıb.
"Bank 50-60 milyon manat həcmində qısamüddətli likvidlik qalıqlarına malikdir", - Qəribov deyib.
Unibank-a ayrılan maliyyə paketi 37 milyon dollar həcmində AYİB vəsaitindən, 15,6 miloyn dollar Almaniyanın "Deutsche Investitions-und Entwicklungsgesellschaft mbH" ("DEG") investisiya korporasiyasının vəsaitindən, 15 milyon dollar Hollandiyanın "FMO" inkişaf maliyyə şirkətinin vəsaitindən və 10 milyon dollar Avstriya İnkişaf Bankının ("OeEB") vəsaitindən təşkil olunub. Yerli səhmdarların əmanəti maliyyələşmə paketində 5,4 milyon dollara bərabər olacaq.
Maliyyə paketi Unibank-ın kapital bazasının möhkəmlənməsində istifadə ediləcək.
