Azərbaycan, Bakı, 16 oktyabr / Trend , müxbir Ü.İsmayılova/
Azərbaycanın Nazirlər Kabineti "Dövlət taxıl fondunun formalaşması və istifadəsi, habelə maliyyə, kredit və maddi ehtiyatlarının təminatı barədə hesabat forması"nı təsdiq edib.
Nazirlər Kabinetinin qərarı oktyabrın 14-də qüvvəyə minib.
Azərbaycan Prezidenti İlham Əliyevin 2008-ci il fərmanına əsasən, taxıl fondu Fövqaladə Hallar Nazirliyinin sərəncamına verilib. Əvvəlcə dövlət taxıl və un ehtiyatlarının tənzimlənməsi funksiyasını Kənd Təsərrüfatı Nazirliyi həyata keçirirdi.
Hesabat forması Nazirlər Kabineti tərəfindən təsdiqlənən dövlət taxıl fondunun saxlanılması və istifadəsi qaydaları əsasında hazırlanıb. Qaydalara əsasən, Azərbaycan Respublikasının İqtisadi İnkişaf Nazirliyi, Azərbaycan Respublikasının Maliyyə Nazirliyi və Azərbaycan Respublikasının Kənd Təsərrüfatı Nazirliyinə hesabat formasının hazırlanması tapşırılıb. Taxıl fondu hər ay dövlət sifarişçisinə (FHN) taxıl həcmi və saxlama məntəqələrinə göndərilən həcmlər barədə məlumat təqdim etməlidir.
Məqalə müəllifi ilə əlaqə ünvanı: [email protected]
