Azərbaycan, Bakı, 29 oktyabr / Trend , müxbir Ü.İsmayılova /
Azərbaycanın böyük sığorta şirkətlərindən biri Azal Sığorta nizamnamə kapitalını 85 faiz artırır, bu barədə cümə axşamı şirkətdən bildirilib.
"Kapitalın artırılması nəticəsində, nizamnamə kapitalı hazırkı bir milyon manata nisbətdə 1,85 milyon manata çatacaq", - şirkətdən bildirilib.
Mənbənin sözlərinə əsasən, nizamnamə kapitalının gəlir hesabına artırılması yaxın zamanda səhmdarlar tərəfindən təsdiqlənəcək.
Azal Sığorta sığorta şirkəti 1995-ci ildə yaradılıb. Şirkət sığorta xidmətlərinin 15 növü üzrə fəaliyyət göstərir, əsasən aviasığorta - KASKO hava nəqliyyatı, üçüncü şəxs qarşısında, sərnişinlər qarşısında aviaşirkətin cavabdehliyi, yükə görə cavabdehlik, hərbi risklərin sığortası, aeroport rəhbərlərinin cavabdehliyinin sığortası, hava nəqliyyatının idarəetmə orqanlarının sığortası və s. sahələrdə ixtisaslaşır.
Yanvar-sentyabr aylarında şirkətin haqları 12,71 milyon manat , ödəmələri isə 0,006 milyon manat təşkil edib. Şirkət Azərbaycanın sığorta bazarında haqların həcmi üzrə liderlər üçlüyünə daxildir.
Oktyabrın 29-na olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
