Azərbaycan, Bakı, 05 oktyabr / Trend , müxbir Ü.İsmayılova/
Azərbaycanda daha iki "donuz qripi"nə (A/H1N1) yoluxma faktı aşkar edilib. Bu barədə cümə axşamı Səhiyyə Nazirliyindən məlumat verilib.
"Xəstələrdən biri Ukraynanın İvanovo-Frankovsk vilayətindən oktyabrın 26-da Azərbaycanın Kürdəmir rayonuna gələn qadının qohumudur. O xəstə ilə əlaqədə olub", - nazirlikdən deyilib.
Nazirliyin rəsmi saytında yerləşdirilən məlumatda qeyd edildiyi kimi, ikinci xəstə də noyabrda Ukraynadan gələn Azərbaycan vətəndaşıdır.
Nazirlik nümayəndəsinin sözlərinə görə, hazırda xəstələr Elmi-Tədqiqat Ağciyər Xəstəlikləri İnstitutunda ambulator müalicə keçirlər.
Çərşənbə günü Ukraynanın İvanovo-Frankovsk vilayətində müvəqqəti yaşayan və oktyabrın 26-da Azərbaycanın Kürdəmir rayonuna qayıdan Azərbaycan vətəndaşında A/H1N1 aşkar edilmişdi. Xəstə Azərbaycana dəmiryol nəqliyyatı ilə gəlib. Xəstə həkimlərin nəzarəti altında müalicə kursu keçir, onun vəziyyətində müsbət dəyişikliklər müşahidə edilir.