...

Azərbaycanın ilk barter şirkəti birinci mərhələdə 200 müəssisə ilə əməkdaşlıq etməyə hazırdır

Biznes və iqtisadiyyat xəbərləri Materials 7 Noyabr 2009 14:33 (UTC +04:00)

Azərbaycan, Bakı, 07 noyabr / Trend , müxbir M.Əliyev/

Azərbaycanın ilk barter şirkəti "Azbarter" MMC noyabrın 9-dan barter əməliyyatlarının tətbiqi məqsədilə öz üzv müəssisələrini cəlb etməyə başlayacaq. Bu barədə MMC-nin təsisçisi və prezidenti Xəyal Məmmədxanlı "Azbarter"-in fəaliyyətinin təqdimat mərasimində bildirib.

Onun sözlərinə görə, "Azbarter" ilə əməkdaşlıq edəcək şirkətlərin ilkin siyahısı müəyyən edilib. Bu siyahıya 200 sabit şirkət daxildir.

"Azbarter" MMC 2009-cu il noyabrın 9-da dövlət qeydiyyatından keçib.

"Azbarter"-ə üzv olan şirkətlər aylıq 20-30 manat həcmində ödəniş etməli olacaqlar. Hər bir əməliyyata görə komissiya haqqı əmtəənin və xidmətin dörd faizi dəyərində təşkil edəcək.

"Azərbaycanda barterlə daha çox maraqlanan sahələr inşaat, İT, daşınmaz əmlak bazarı və reklam sahələridir. Lakin biz iqtisadiyyatın demək olar ki bütün sahələrini əhatə etmək niyyətindəyik", - Məmmədxanlı bildirib.

"Azbarter"-in prezidenti həmçinin deyib ki, yaxın vaxtlarda barter əməliyyatlarını onlayn üsulla həyata keçirmək mümkün olacaq.

Məqalə müəllifi ilə əlaqə ünvanı: [email protected]

Xəbər lenti

Xəbər lenti