Özbəkistan, Daşkənd, 18 noyabr / Trend , müxbir D.Əzizov /
Özbəkistan və Bəhreyn nvestisiyaların təşviqi və müdafiəsi haqqında müqavilə və iki ölkə arasında iqtisadi və ticari əməkdaşlıq haqqında qarşılıqlı anlaşma memorandumu imzalayıblar, bu barədə Özbəkistan hökumətindəki mənbə bildirib. Sənədlər Özbəkistanın rəsmi nümayəndə heyətinin Bəhreynə səfəri zamanı imzalanıb.
Sənədləri Özbəkistanın nümayəndə heyətinin başçısı, baş nazirin müavini, xarici iqtisadi əlaqələr, investisiya və ticarət naziri Elyor Qəniyev və Bəhreynin maliyyə naziri şeyx Əhməd ibin Məhəmməd əl Xəlifə imzalayıb.
Özbəkistan nümayəndə heyətinin səfəri çərçivəsində Behreynin İqtisadi İnkişaf Şurasının sədri şahzadə Salman ibin Həməd əl-Xəlifə, xarici işlər naziri şeyx Xalid ibin Əhməd əl-Xəlifə və Bəhreynin Mərkəzi Bankının idarə heyətinin başçısı Rəşid Məhəmməd əl-Maraj ilə danışıqlar aparılıb.
