Azərbaycan, Bakı, 19 dekabr / Trend , müxbir Ü.İsmayılova/
Azərbaycanın Standartlaşdırma, Metrologiya və Patent üzrə Dövlət Komitəsi dekabrın 18-də qiymətləndirmə fəaliyyətinin doqquz milli standartını təsdiq edib. Bu barədə şənbə günü Azərbaycan Qiymətləndiricilər Cəmiyyətinin icraçı direktoru Elçin Səmədli deyib.
"Standartlar imzalandğı gündən - 18 dekabrdan qüvvəyə minib", - Səmədli deyib.
Dövlət Komitəsi aşağıdakı standartları təsdiq edib: qiymətləndirənin peşəkar etikası; qiymətlərin hamı tərəfindən qəbul edilən prinsipləri; baza qiyməti kimi bazar dəyəri; bazar dəyərindən fərqli olaraq baza qiymətləri; qiymətlər haqqında tərtib edilmiş hesabat; material aktivlərinin qiyməti; istehsal olunan avadanlıq və maşınların qiymət dəyəri; maliyyə və mühasibat hesabdarlığının hazırlanması üçün qiymətlər; borclar, girovlar və borc məsuliyyətlərinin təminetmə qiymətləri.
Azərbaycanda qiymətləndirmə fəaliyyətinin keyfiyyətinin yaxşılaşdırılması Beynəlxalq Maliyyə Korparasiyasının (IFC) Azərbaycanda və Orta Asiada ipoteka kreditləşməsinin inkişafına dair proqramı çərçivəsində reallaşdırılır.
Azərbaycan Qiymətləndiricilər Cəmiyyəti 1997-ci ildə qeydiyyatdan keçib. Bütün qiymətləndirənləri özündə birləşdirən bu ictimai təşkilat Azərbaycanda fəaliyyət göstərir. Azərbaycanda qiymətləndirmənin fəaliyyəti 1995-ci ildə qəbul edilmiş "Qiymətləndirmə fəaliyyəti haqqında" qanunla nizamlanır.
Məqalə müəllifi ilə əlaqə ünavnı: [email protected]