Bakı, Azərbaycan, 24 dekabr / Trend , müxbir İ.Xəlilova/
Azərbaycan hökuməti ilə ölkənin işgüzar mühiutinin yaxşılaşdırlması sahəsində gələcək islahatları müzakirə etmək üçün 2010-cu il yanvar ayının sonunda Dünya Bankı missiyasının, o cümlədən Doing Business hesabatını hazırlayan müəlliflərin Bakıya gəlişi gözlənilir, BMK-nın biznes mühitinin yaxşılaşdırılması layihəsinin (AzBEE) rəhbəri Boris Divyak cümə axşamı deyib.
"Ərəb ölkələrinin təcrübəsi göstərir ki, qeyri-neft sektorunun kiçik və orta biznesə dəstək yolu ilə inkişafı daha səmərəlidir", - Divyak deyib.
BMK ümid edir ki, yanvar-fevral ayının sonuna İqtisadi İnkişaf Nazirliyi icazə və yoxlama sisteminin təkmilləşdirlməsi sahəsində islahatlar hazırlayacaq.
BMK da öz növbəsində 2010-cu ildə hökumətə bu sahədə öz tövsiyələrini bildirməyə hazırdır. Korporasiya hesab edir ki, bu cür islahatları qısa dövr ərzində həyata keçirmək mümkün deyil. BMK hökumətə dövlət orqanlarının uyğunlaşdırlmış biznes qeydiyyatını birləşdirən vahid portal yaratmağı təklif edir. Bu portal vasitəsilə bütün lazımi məlumatları almaq mümkün olacaq. İkinci tövsiyə isə lisenziya və icazənin vahid reyestrinin yaradılmasıdır.
Onun sözlərinə görə, Azərbaycan hökuməti yuxarıda göstərilən tədbirlərin vacibliyini anlayır və bu istiqamətdə böyük işlər görür. Dünya Bankı hökumətə Dövlət Neft Fondunda toplanan vəsaitin strateji istiqamətlərə, o cümlədən qeyri-neft sektorunun inkişafına yönəldilməsi ilə bağlı bir neçə dəfə müraciət edib.
BMK hesab edir ki, Azərbaycanda yoxlama sistemində ciddi islahatlara ehtiyac var. Artıq 5-6 ildir ki, bu sistemdə heç bir islahatlar aparılmır. Əsl islahatlar yoxlamaların şəffaflığının təmin edilməsindən, bütün nazrliklərdə koordinasiyanın yaxşılaşdırılmasından və təkrarçılığın aradan qaldırılmasından ibarət olmalıdır.
Bütün ölkələrdə vəziyyətin yaxşılaşdırlması üçün aparılan yoxlamalarla vahid orqan məşğul olur. Lakin bu MDB ölkələri üçün yaxşı qərar deyil. Yoxlamarda şəffaflığın təmin edilməsində əsas məsələ yoxlayan orqanlar tərəfinmdən bütün tələblərin nəzərdə tutan çek-vərəqələrin verilməsidir", - Divyak deyib.
AzBEE layihəsi Azərbaycanda BP şirkəti və İsveçrənin iqtisadi məsələlər üzrə Dövlət Katibliyi (Seco) ilə birlikdə realizə edilir. Seco hökumətə 4,3 milyon dollar, BP isə 0,456 milyon dollar qrant təqdim edib.
Realizəsinə ötən il başlanılan AzBEE layihəsi beş il müddətinə hesablanıb.
Məqalə müəllifi ilə əlaqə ünvanı: [email protected]
