Azərbaycan, Bakı, 24 dekabr / Trend , N.İsmayılova/
VTB Bank (Azərbaycan) VTB brendi altında işləyəcək filial şəbəkələrindən istifadə məqsədilə Azərbaycan bankının alınması imkanlarını nəzərdən keçirir. Bu barədə cümə axşamı bankın İdarə Heyətinin sədri Oleq Krasnojon deyib.
"Bankın Azərbaycanda pərakəndə biznesinin inkişaf perspektivləri dəqiqləşdirildikdən sonra bankın pərakəndə biznes üçün şəbəkələrinin yaradılması və inkişafı üzrə vəsait tələbatı müəyyən ediləcək", - Krasnojon deyib.
Onun sözlərinə görə, bundan irəli gələrək bankın parametrləri müəyyən ediləcək və buna müvafiq olaraq istifadə üçün yerli bank seçiləcək.
"Əvvəl həmin bankın cəlb edilmə effektivliyi, onun filial şəbəkəsinin nə dərəcədə yaxşı olması,VTB brendi altında işə başlaması üçün onun təhciz və yenidən təhciz edilməsinə nə qədər vəsait tələb olunması qiymətləndiriləcək", - o deyib.
Krasnojonun sözlərinə görə, 2010-cu ildə VTB Bank (Azərbaycan) bir filial açacaq, pərakəndə biznesin inkişafı haqqında qərarın qəbul edilməsindən sonra yerli isə banklarla birləşmə, yaxud da filial şəbəkələrinin sıfırdan inkişafı məsələləri dəqiq müəyyələşdiriləcək.
Hazırda VTB Bank (Azərbaycan) ASC-nin səhmlərinin 51 faizi Rusiyanın VTB Bank ASC-nə məxsusdur və 49 faizi Azərbaycan Respublikasının rezidentinə məxsusdur.
VTB qrupu Azərbaycan bazarına 2008-ci ilin sonlarında daxil olub. VTB Bank (Azərbaycan) №06/06-634 bank lisenziyasını 2009-cu ilin mart ayında Azərbaycanın Mərkəzi Bankı tərəfindən alıb.
Məqalə müəllifi ilə əlaqə ünvanı: [email protected]