Azərbaycan, Bakı, 28 dekabr / Trend , müxbir Ü.İsmayılova/
Azərbaycan Həmkarlar İttifaqı Konfederasiyası regionlarda olan şöbələrinin fəaliyyətinə nəzarət üçün audit idarəsi yaradır. Bu barədə bazar ertəsi keçirilən ikinci ümumi iclas zamanı konfederasiya rəhbəri Səttar Mehbalıyev deyib.
"Bu kimi tədbirlər həmkarlar ittifaqının fəaliyyətində şəffaflığı təmin etmək üçün vacibdir", - Mehbalıyev deyib.
O bildirib ki, konfederasiyasının regionlarda olan şöbələrinin fəaliyyətinin ən mühüm problemlərindən biri işçilərin vəsaitlərinin mənimsənilməsidir.
"Bu yolverilməz faktdır. Hər bir işçi hər ay maaşının bir hissəsini sosial təminatına və istirahətinə ayırır. Sahibkarlar isə üzvülük haqqını vaxtında ödəməyərək bu vəsaitləri götürür", - Mehbalıyev deyib.
Mehbalıyevin sözlərinə görə, bu kimi pozuntuların aradan qaldırılması üçün konfederasiya Azərbaycan Prezident Administrasiyasına müraciət edib və bundan sonra İnzibati Xətalar Məcəlləsinə əlavə və dəyişiklər edilib və buna əsasən sahibkarların konfederasiyaya üzvlük haqlarının verilməsindən boyun qaçırmalarına görə cərimə min manatdan 1,5 min manatadək artırılıb.
Onun sözlərinə görə, 2010-cu ildə konfederasiya keçirilmiş tədbirlərin statistikasını hazırlamaq və onları beş il bundan öncə həyata keçirilən işlərlə müqayisə etmək niyyətindədir.