Azərbaycan, Bakı, 23 yanvar/Trend capital, müxbir S.Əliyev/
Hökumətin proqnozlarına əsasən 2010-cu iləd BP şirkəti Azərbaycana 3,1 milyard kubmetr səmt qazı tədarük edəcək. 2009-cu ildə bu göstərici 3,9 milyard kubmetr olub.
BP - "Azəri-Çıraq-Günəşli" yataqlar blokunun işlənmə operatorudur. Bu yataqların işlənməsi çərçivəsində əldə edilən səmt qazı Azərbaycana pulsuz verilir.
Azərbaycan 2008-ci ildə "AÇG" yataqlar blokundan 2,1 milyard kubmetr səmt qazı əldə edib.
2009-cu ildə ВР 28 düymlük sualtı qaz kəməri ilə üç platformadan (Mərkəzi, Qərbi və Şərqi Azəri) səmt qazını Səngəçal terminalı və ölkənin daxili istehlakı üçün "Azəriqaz" sisteminə tədarük etməkdə davam edir.
"Çıraq" platformasında əldə edilən səmt qazının bir hissəsi hələ də mövcud 16 düymlük sualtı qaz kəməri ilə ARDNŞ-nin "Neft daşları"ndakı kompressor stansiyasına ötürülür. Qalan səmt qazları laylara yenidən vurulma və lay təzyiqinin saxlanılması üçün daxili boru kəmərləri ilə qazın sıxılması və suyun vurulması üçün platformaya istiqamətləndirilir.