Azərbaycan, Bakı, 25 yanvar / Trend , müxbir Ü.İsmayılova/
2009-cu ilin dekabrında Bakının ticarət obyektləri bazarında təkliflər 2,6% artıb, lakin tələbatın və qiymətlərin azalması müvafiq olaraq ekspozisiya müddətinin və risk səviyyəsinin artımına gətirib çıxarıb. Bu barədə bazar ertəsi "Əmlak Bazarı İşirakşıları" İcimai Birliyindən məlumat verilib.
Dekabr ayı ərzində həm ticarət obyektlərinin satış bazarında, həm də icarə bazarında qiymətlər müvafiq olaraq 0,3 və 0,7% azalıb. Keçən ay Bakıda qeyri-yaşayış obyektinin orta qiyməti 2990 dollar, noyabrda isə 2998 dollar təşkil edib.
Təşkilatın ekspertlərinin hesablamalarına görə, keçən rübə nibətən ticarət obyektlərinin qiyməti 0,2%, 2008-ci ilin analoji dövrü ilə müqayisədə isə 10,9% azalıb.
Şəhərin zonaları üzrə qeyri-yaşayış obyektlərinin qiymətləri bu qaydada azalıb - 0,1%, 0,3%, 0,6%, 0,9%.
Ticarət obyektləri bazarında qiymətlərin artımı yalnız Bakının Qaradağ rayonunda baş verib - 2,6%. Qiymətlərin ən əhəmiyyətli azalması isə Əzizbəyov rayonunda müşahidə edilib - 1,9%.
Bazarda təklif edilən orta qiymətdən aşağı olan ticarət obyektlərinin payı bazarın 58,4%-ni təşkil edib.
