Gürcüstan, Tbilisi, 28 yanvar / Trend , müxbir N.Kirsxaliya/
Gürcüstan və Azərbaycan arasında ticarət dövriyyəsi 2008-ci ilə nisbətən 2009-cu ildə 23% azalıb. Bu barədə Gürcüstanın Statistika Departamentindən məlumat verilib.
Ölkələr arasındakı mal dövriyyəsi 544,4 milyon dollar təşkil edib ki, bu da 2008-ci ildəki göstəricinin 67%-ni təşkil edir.
Gürcüstanın ümumi idxal-ixrac əməliyyatlarında Azərbaycanla ticarət dövriyyəsinin payı 0,5 faiz bənd azalaraq 10,4%-dən 9,9%-ə enib.
Hesabat dövrü ərzində 2008-ci illə müqayisədə Azərbaycandan idxal 38 milyon manat azalıb. Ən iri ixrac mal qrupları minik avtomobilləri (35,5 milyon dollar) və sementdir (22,4 milyon dollar).
Azərbaycandan idxal 229,5 milyon dollar azalaraq, 377,9 milyon dollar təşkil edib ki, bu da 2008-ci ilin analoji göstəricisinin 62,2%-nə bərabərdir.
