Azərbaycan, Bakı, 02 fevral / Trend , müxbir Ü.İsmayılova/
2009-cu ilin dekabr ayında Bakının ilkin daşınmaz əmlak bazarında bir kvadratmetr mənzilin qiyməti 1,7% azalaraq 912 dollar təşkil edib. Noyabr ayında bu göstəərici 928 dollar olub. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat verilib.
Yeni tikililərdə mənzilin orta sahəsi ötən ilin dekabr ayında 122,5 kvadratmetr, noyabrda isə 122,1 kvadratmetr təşkil edib.
Dekabr ayında yeni tikililərdə orta mərtəbə göstəricisi 15,1, tikilməkdə olan binalardakı bloklar isə 2,4 təşkil edib.
Dekabr ayında qiymətlərin ən əhəmiyyətli azalması Bakının Yasamal rayonunda müşahidə edilib - 3,2%. Bakının heç bir rayonunda qiymət artımı müşahidə olunmayıb.
Bakının ilkin mənzil bazarı portfelinin böyük hissəsini Yasamal, Xətai və Nəsimi rayonlarındakı tikililər təşkil edib. Bu tikililər bazarın ümumi portfelinin 65,4%-ni təşkil edib.
Ümumi cədvəl yeni tikililərdəki otaq göstəricisini və onların sahəsini göstərir
Mənzillər |
Mənzillərin sayı |
Orta sahə göstəricisi |
İnşaatda payı %-lə |
Birotaqlı |
11440 |
61,2 |
17,7 |
İkiotaqlı |
19695 |
93,1 |
30,5 |
Üçotaqlı |
24944 |
132,7 |
38,7 |
Dördotaqlı |
7538 |
183,8 |
11,7 |
Beşotaqlı |
907 |
255,7 |
1,4 |