Azərbaycan, Bakı, 10 fevral / Trend , müxbir Ü.İsmayılova/
Bakının daşınmaz əmlak bazarının aktivliyi yanvar ayında 1,8% azalıb. Bunu MBA Group konsaltinq şirkətinin baş direktoru Nüsrət İbrahimov çərşənbə günü deyib.
"Aktivliyin artması təkcə mənzil bazarında müşahidə edilib - 1,1%", - o deyib.
Onun sözlərinə görə, yanvarda Bakının ilkin mənzillərində bir kvadratmetrin qiyməti 0,1% azalaraq 837 dollardan 836 dollara enib.
Təkrar mənzil bazarında qiymətlər 3,7% atraraq 1306 dollardan 1358 dollara çatıb. Təkrar bazarda mənizlllərin qiyməti 0,82%-lik artımla 102 527 dollar təşkil edib. Dekabr ayında bu göstərici 101 698 dollar olub. Təkrar mənzilin sahəsi 82,9 kvadratmetrdən 75 kvadratmetrə enib. Otaq göstəricisi 2,46-dan 2,36 ya enib.
Bakının torpaq bazarında da orta qiymətlər 1,26% azalaraq 17 369 dollardan 17 151 dollara düşüb. Ticari obyektlərin bazarında qiymətlər 1,95% azalaraq 3542 dollardan 3473 dollara düşüb.
Mənzillərin kirayə bazarında qiymətlər 3,11% azalaraq 752 dollardan 729 dollara düşüb. Qeyri-yaşayış obyektlərinin kirayə qiyməti 5,8% azalaraq 22,2 dollardan 20,9 dollara düşüb.
