Gürcüstan, Tbilisi, 16 fevral / Trend , müxbir N.Kirsxaliya/
İsrailin Shebamedical Center şirkəti və Kanadanın İnterhealth şirkəti Tbilisidə 100 faiz səhmləri dövlətə məxsus olan Respublika Xəstəxanasını almağa dair niyyətini bildirib. Bu barədə çərşənbə axşamı Gürcüstan İqtisadiyyat Nazirliyindən bildirilib.
Shebamedical Center İsrailin Milli Tibbi Klinikasıdır. Mərkəz 6 kompleksdən ibarətdir, şirkətin illik dövriyyəsi 320 milyon dollar təşkil edir.
İnterhealth şirkəti 1994-cü ildə yaradılıb, infrastruktur və tibb layihələri üzrə ixtisaslaşır.
Tbilisi Respublika Xəstəxanasının özəlləşdirilməsi 2009-cu ilin noyabr ayında elan edilib. İnvestor 430 yerlik çoxprofilli tibb mərkəzi yaratmalıdır. Xəstəxananın aktivləri 20 milyon dollar təşkil edir.