...

Yazda Bakı-Tbilisi-Qars dəmiryolunun inşası çərçivəsində Gürcüstan hissəsinin yenidən qurulmasına başlanacaq

Biznes və iqtisadiyyat xəbərləri Materials 19 Fevral 2010 20:39 (UTC +04:00)
Martda Bakı-Tbilisi-Qars dəmiryol nəqliyyatının inşası çərçivəsində Gürcüstanın Marabda ərazisində dəmiryol hissəsinin yenidən qurulması üzrə işlərə başlanacaq. Bu barədə cümə günü "Azərbaycan Dəmir Yolları" QSC-dəki mənbə deyib.

Azərbaycan, Bakı, 19 fevral / Trend , müxbir E.İsmayılov/

Martda Bakı-Tbilisi-Qars dəmiryol nəqliyyatının inşası çərçivəsində Gürcüstanın Marabda ərazisində dəmiryol hissəsinin yenidən qurulması üzrə işlərə başlanacaq. Bu barədə cümə günü "Azərbaycan Dəmir Yolları" QSC-dəki mənbə deyib.

"Hazırda icra müqaviləsinin hazırlanması üzrə işlər aparılır. Reabilitasiya işlərini tenderin qalibi olan "Azərtikintiservis" şirkəti Gürcüstan şirkəti ilə birgə aparacaq. Yəqin ki, işlər artıq martın əvvəlində başlayacaq", - mənbə deyib.

Onun sözlərinə görə, şirkətin apardığı işlər çərçivəsində 160 kilometrlik dəmiryolda reabilitasiya işləri aparılacaq.

Hava şəraiti pis olduğu üçün hazırda Axalkalaki ərazisində inşaat işləri aparılmır. "İşlər ola bilsin ki, aprelin sonunda başlayacaq", - mənbə deyib. Onun sözlərinə görə, bu sahədə indiyədək torpaq işləri aparılıb.

BTQ inşası üzrə işləri 2011-ci ilin sonuna başa çatdırmaq planlaşdırılır.

Layihə çərçivəsində Gürcüstan ərazisində dəmiryol stansiyasının inşası üzrə tenderin qalibi artıq müəyyən olunub. Tenderin qalibi Azərbaycanın arxitektura layihə-sənaye şirkəti "Kontur" olub.

Axalkalaki stansiyasının tikintisinin 2011-ci ildə sona çatdırılması planlaşdırılır.

Bakı-Tbilisi-Qars layihəsi çərçivəsində 76 km Türkiyə ərazisindən, 29 km Gürcüstan ərazisindən keçən yeni 105 kilometrlik dəmiryol magistralının tikintisi planlaşdırılır. Bundan əlavə, Gürcüstanda yükötürmə qabiliyətinin ildə 15 milyon tonadək artırılması üçün 183 kilometrlik Axalkalaki-Marabda-Tbilisi dəmiryol məntəqəsi bərpa ediləcək. Həmçinin Axalkalakidə Gürcüstanda olan dəmiryolundan qatarların Avropaya keçməsi üçün məntəqənin inşa edilməsi planlaşdırılır.

Xəbər lenti

Xəbər lenti