...

Yanvarda fiziki şəxslərin Azərbaycan bankına qoyduqları əmanətlər 2,2% artıb

Biznes və iqtisadiyyat xəbərləri Materials 27 Fevral 2010 13:16 (UTC +04:00)

Azərbaycan, Bakı, 27 fevral / Trend , müxbir N.İsmayılov/

Yanvarda Azərbaycan banklarının depozit bazası 4,1 faiz, ötən ilin analoji dövrü ilə müqayisədə isə 15,6 faiz azalıb. Bu barədə Azərbaycan Mərkəzi Bankının məlumatında deyilir.

AMB-nın məlumatına əsasən yanvar ayının sonunda bank depozitləri və hüquqi və fiziki şəxslərin əmanətlərinin ümumi həcmi 2009-cu ilin yanvar ayının sonundakı 5287,9 milyon manata nisbətdə və bu ilin yanvar ayının birindəki 4654,2 milyon manata nisbətdə 4462,4 milyon manat təşkil edib. Bu həcmin 1782,7 milyon manatı manat vəsaitinin, 2679,6 milyon manatı isə valyutanın payına düşüb.

Yanvar ayı ərzində fiziki şəxslərin əmanətləri 2,2 faiz artıb. Hüquqi şəxslərin depozitlərinin həcmi isə 10,5 faiz azalıb. 2009-cu ilin yanvar ayında fərdi müştərilərin depozitləri 30 faiz artıb, korperativ müştərilərin depozitləri isə 39,9 faiz azalıb.

Fiziki şəxslərin ölkə banklarına qoyduqları əmanətlərin həcmi 2009-cu ilin fevralın birinə 1835,2 milyon manatla müqayisədə bu ilin yanvarın birində 2334,9 milyon manat, yanvar ayının sonunda isə 2385,8 milyon manat təşkil edib.

Hüquqi şəxslərin depozitlərinin həcmi 2009-cu ilin fevralın birində 3452,6 milyon manata nisbətdə bu ilin yanvarın birində 2319,3 milyon manat, bu ilin yanvarın sonunda isə 2076,7 milyon manat təşkil edib.

Fevralın 27-də rəsmi məzənnə 0,8034AZN/USD təşkil edir.

Xəbər lenti

Xəbər lenti