Azərbaycan, Bakı, 9 mart / Trend , müxbir Ü.İsmayılova/
Yanvarda Bakının ilkin daşınmaz əmlak bazarında mənzilin bir kvadrat metrinin qiyməti 1,6 % azalaraq 897 dollar təşkil edib. Dekabrda bu göstərici 912 dollar təşkil edib. Bu barədə çərşənbə axşamı "Əmlak Bazarının İştirakçıları" İctimai Birliyindən bildirilib.
Yanvarda əhəmiyətli dərəcədə ucuzlaşma Bakının Yasamal rayonunda müşahidə olunub - 2,5%. Bakının heç bir rayonunda qiymət artımı müşahidə olunmayıb.
Yanvarda tikilmiş mənzillərin orta sahəsi 122,5 kvadrat metrə nisbətdə 122,3 kvadrat metr təşkil edib.
Yanvarda yeni tikililərdə orta mərtəbə göstəricisi 15,2, həmin dövr ərzində tikilən binalarda blok göstəricisi 2,4 təşkil edib.
Yanvarda Bakının ilkin mənzil bazarının portfelinin böyük hissəsini Bakının Yasamal, Xətayi, Nəsimi rayonlarındakı tikililər təşkil edib ki, bu da bazarın ümumi portfelinin 65,9 %-ni təşkil edib.
Yanvarda ilkin mənzil bazarının portfelində bir otaqlı mənzillərin payı 17,9 %, iki otaqlı mənzillərin payı 30,1 %, üçotaqlı mənzillərin payı 38,8 %, dörd otaqlı mənzillərin payı 11,8 %, beş otaqlı mənzillərin payı isə 1,4 % təşkil edib.
Cədvəl yeni tikililərin otaq göstəricilərini və onların sahəsini göstərir:
|
Otaqlar |
Mənzillərin sayı |
Sahəsinin orta göstəricisi |
Tikintidə payı, faizlə |
|
Bir otaqlı |
11556 |
61,1 |
17,9 |
|
Iki otaqlı |
19409 |
93,1 |
30,1 |
|
Üç otaqlı |
25074 |
132,8 |
38,8 |
|
Dörd otaqlı |
7595 |
183,4 |
11,8 |
|
Beş otaqlı |
923 |
252,4 |
1,4 |