Azərbaycan, Bakı, 17 mart / Trend , müxbir Ü.İsmayılova/
Azərbaycanda fevral ayında kənd təsərrüfatı məhsulları istehsalının qiymət indeksi ötən ayla müqayisədə 0,2 faiz artıb, ötən ilin analoji dövrü ilə müqayisədə isə 3,8 faiz azalıb. Bu barədə çərşənbə günü Dövlət Statistika Komitəsindən bildirilib.
Ötən ay bitkiçilik, bostançılıq, bağçılıq məhsullarının qiyməti 2,8 faiz artıb, 2009-cu ilin yanvar-fevralına nisbətən isə 0,2 faiz azalıb.
Fevralda heyvandarlıq və iribuynuzlu mal-qara məhsulları istehsalının qiymət indeksi yanvara nisbətdə 2,9 faiz azalıb (9,4 faiz). Meşə təsərrüfatı məhsullarının qiymət indeksi ötən ilin yanvar-fevral ayları ilə müqayisədə dəyişməz qalıb. Balıq və balıq məhsullarının qiyməti 2,6 faiz artıb (dəyişməz qalıb).