Azərbaycan, Bakı, 30 mart / Trend , müxbir N.İsmayılova/
Bank of Baku-nun balans mənfəəti martın 1-də 2,297 milyon manat təşkil edərək cari ilin yanvarına nisbətən təxminən 3,7 dəfə artıb. Bu barədə bankın çərşənbə axşamı yaydığı məlumatda bildirilir. Fevral ayının yekunları üzrə bankın gəlirləri 6,705 milyon manat təşkil edib.
Fevralda bankın aktivləri 3,9 faiz artaraq 192,32 milyon manat olub.
Bankın kredit portfeli 2,3 faiz artaraq 144,03 milyon manat təşkil edib. Bankın kredit portfelində istehlakçı kreditlərinin payı martın 1-də 85,89 milyon manat, kommersiya isə 51,4 milyon manat olub.
Hesabat dövründə Bank of Baku-nun depozit portfeli 4,2 faiz artaraq 141,88 milyon manat təşkil edib. Bunun 79,01 milyonu fiziki şəxslərin əmanətlərinin, 74,88 milyon manat isə uzunmüddətli əmanətlərin payına düşür.
Bank of Baku-nun məcmu kapitalı martın 1-də 35,2 milyon manat, bankın ödənilmiş nizamnamə kapitalı isə 6,8 milyon manat təşkil edib.
Martın 30-na olan rəsmi məzənnə 0,8032 AZN/USD təşkil edir.