Azərbaycan, Bakı, 9 aprel /Trend, müxbir N.İsmayılova/
Avropa İttifaqının texniki yardım proqramı üzrə Milli Koordinasiya Bürosu Azərbaycanda Aİ və Azərbaycan arasında Əmək və Əhalinin Sosial Müdafiəsi Nazirliyi və Azərbaycanın İqtisadi İnkişaf Nazirliyi yanında Xarici investisiyalar və yardım koordinasiyası departamentinin tərəfdaşlıq və əməkdaşlıq haqqında müqavilənin həyata keçirilməsinə dəstək layihəsi ilə birgə işçilərin və onların əməyinin müdafiəsi mövzusunda cümə günü seminar keçirib. Bu barədə büronun cümə günü yayılan məlumatında deyilir.
Seminar "İşçilərin səhhətinin yaxşılaşdırılması və onların iş yerlərində təhlükəsizliyi. İşçilərin mümkün təhlükədən müdafiəsi. İş yerlərində səhiyyə və təhlükəsizlik şərtləri" mövzusunda keçirilib.
Seminarda müvafiq nazirliklərin və orqanların əməkdaşları, həmkarlar ittifaqlarının nümayəndələri, üçtərəfli dialoq keçirmək məqsədi ilə universitet nümayəndələri iştirak edib.