Azərbaycan, Bakı, 16 aprel /Trend, müxbir Ü.İsmayılova/
Azərbaycanda ilin birinci rübündə istismara verilən yaşayış evlərinin ümumi sahəsi 215,3 min kvadratmetr təşkil edib ki, bu da ötən ilin analoji dövrü ilə müqayisədə 80,4 çoxdur. Bu barədə cümə günü Dövlət Statistika Komitəsindən məlumat verilib.
Bu dövr ərzində tikinti-quraşdırma işlərini aparmaq üçün 245,5 milyon manat yönəldilib.
İstehsalat obyektlərinin tikintisinə 823,1 milyon manat vəsait yatırılıb ki, bu da 2009-cu ilin birinci rübündəki göstəricidən 31,6 faiz çoxdur.
Əsas kapitalda investisiyanın ümumi həcmi il ərzində 4,9 faiz artaraq 1636,8 milyon manat təşkil edib.
Aprelin 16-na olan rəsmi məzənnə 0,8035 AZN/USD təşkil edir.
