Azərbaycan, Bakı, 19 aprel /Trend, müxbir E.İsmayılov/
Bakıdan həyata keçməli olan bir sira hava reysləri Eyafyalayokul vulkanınIN püskürməsi səbəbindən Avropada hava limanlarının işlərinin müvəqqəti dayandırması ilə əlaqədar olaraq təxirə salınıb. Bu barədə "Azəbaycan Hava Yolları" QSC-dən (AZAL) bazar ertəsi bildirilib.
AZAL-dan bildirildiyi kimi, bu gün Bakı-Frankfurt (Bakı vaxtı ilə saat 07:15) və Bakı-London (saat 12:55) reysləri təxirə salınıb. Bakı vaxtı ilə saat 17:45-də həyata keçməli olan Bakı-Vyana reysi hələlik təxirə salınmayıb.
Bu gün Vyana-Bakı reysi də hələlik ləğv olunmayıb. Cədvələ əsasən, təyyarə Bakı vaxtı ilə saat 16:55-də gəlməlidir.
Bazar günü Londondan (7:20 və 22:35), Kiyevdən (07:50), Vyanadan (16:55), Frankfurtdan (19:50) və Parisdən (20:00) reyslər Bakıya gəlməli idi. Bakıdan Parisə (08:00), Kiyevə (09:00), Londona (10:55) və Vyanaya (17:45) reyslər həyata keçirilməli idi.
