Azərbaycan, Bakı, 10 may /Trend, müxbir H.Vəliyev/
2010-cu ilin yekunları üzrə Azərbaycanda inflyasiya altı faiz təşkil edəcək. Dövlət Statistika Komitəsinin rəhbəri Arif Vəliyev proqnozlaşdırır. "Hazırda inflyasiya 4,4 faiz səviyyəsindədir, ilin sonunadək isə altı faizə yaxın təşkil edəcək", - Vəliyev deyib.
Onun sözlərinə görə, ilin birinci rübünün yekunları üzrə Azərbaycanda ÜDM-in səviyyəsi, ilkin məlumatlara əsasən, 5,1-5,2 faiz təşkil edib.
"Bu gün Azərbaycanda əsasən ərzaq məhsullarının idxalı azalıb ki, bu da respublikada istehsalın artması ilə əlaqədardır", - Vəliyev deyib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
