Аzərbaycan, Bakı, 15 may / Trend,müxbir Ü.İsmayılova/
Aprelin birinə olan nəticələrə əsasən, Azərbaycanda 1,301 mln. pensiyaçı qeydə alınıb ki, onlardan 65 faizi yaşa görə, 24 faizi əlilliyə görə, 11 faizi isə ailə başçılarını itirdiklərinə görə təqaüd alırlar. Bu barədə şənbə günü Azərbaycan Dövlət Statistika Komitəsindən verilən məlumatda belə deyilir.
Pensiyaçıların ümumi sayının 0,5 faizi (6,508 min nəfər) ilk dəfə olaraq birinci rüb ərzində qeydiyyatdan keçiblər və onlara təqaüdlər müəyyən olunub.
Ötən ilin birinci mərhələsi ilə müqayisədə orta aylıq pensiyalar iki faiz artaraq 101,2 manata çatıb ki, bu da ölkədə orta aylıq əmək haqqı səviyyəsinin 33 faizini təşkil edir.
Azərbaycan Dövlət Sosial Müdafiə Fondunun məlumatlarına əsasən, yanvar-mart aylarında pensiya və yardımlar üçün 2009-cu ilin birinci rübü ilə müqayisədə 2,6 faiz artaraq 411 milyon manat ayrılıb.
Yardım vəsaitləri üçün ayrılmış ümumi məbləğdən 4mln.manat hamilələr və yeni doğulmuş uşaqlar, 3 mln.manat əmək qabiliyyətini itirmiş şəxslər, 2,1 mln. manat dəfn xərcləri ilə bağlı,1,5 mln. manat isə digər səbəblər üçün ayrılıb.
Azərbaycanın Əmək və Əhalinin Sosial Müdafiəsi Nazirliyindən verilən məlumatlara əsasən, ölkədə birinci rüb ərzində 294 min nəfər üçün 10,1 mln. manat dəyərində sosial yardımlar müəyyən olunub.Yaşlılığa görə yardım alan şəxslər 17,7 min, əlilliyə görə 92,9 min nəfər, ailə başçısını itirdiynə görə 33,7 min nəfər, 18 yaşına çatmamış və sağlamlığını itirməklə bağlı yardım alan şəxslərin sayı bu mərhələ ərzində 58 min nəfər təşkil edib.
Birinci rüb ərzində ölkə üçün xüsusi xidmətlərə malik olan 33, 2 min nəfər 3070,6 min manat dəyərində müxtəlif yardımlar alıblar.
Aprelin birinə olan vəziyyətə görə, 165,7 min ailənin 757,1 min nəfər üzvü ünvanlı sosial yardım (ÜSY) alıb, onlardan 388,3 mini qadınlar, 375 mini uşaqlardır. Bir nəfərə düşən orta aylıq yardımın dəyəri 25,09 manat təşkil edib.
Mayın 15-nə rəsmi məzənnə 0,8036 AZN/USD təşkil edir.
