Gürcüstan, Tbilisi, 18 may /Trend, müxbir N.Kirsxaliya/
2010-cu il mayın 17-dən etibarən Gürcüstan Beynəlxalq Valyuta Fondunun (BVF) məlumatların yayılması üzrə işləyib hazırladığı xüsusi standartlara qoşulub. Gürcüstanın Milli Bankından bildirildiyi kimi, bu vaxtdan etibarən iqtisadi və maliyyə göstəriciləri mütəmadi olaraq vahid milli məlumatlar səhifəsində dərc olunacaq.
Bundan əlavə, ölkədə statistikanın aparılması barədə BVF-in saytından əldə olunan bütün məlumatlar da dərc ediləcək.
Bu, Gürcüstanın Milli Statistika Xidməti, Milli Bankı və Maliyyə Nazirliyinin birgə qərarıdır.
Xüsusi standart iqtisadi və maliyyə məlumatlarının şəffaflığını və onların nəinki ölkə daxilində, həmçinin beynəlxalq səviyyədə əldə olunmasını təmin edir. Vahid məlumat bazası balanslaşdırılmış makroiqtisadi siyasətin aparılması, həmçinin ölkənin potensial iqtisadi əməkdaşlarının və investorlarının marağını artırmağa imkan yaradır.
"Məlumatların yayılması üzrə xüsusi standartlar üzv ölkələrin kapital bazarında iştirakını sadələşdirir. Aparılan heç bir tədqiqat bu və ya digər ölkənin məlumatların yayılması standartlarında iştirakının beynəlxalq bazarlardan (o cümlədən özəl sahələrdən) kapitalın cəlb olunmasına ayrılan xərclərin həcmini azaltması faktını təsdiq etmir", - Gürcüstanın Milli Bankından verilən məlumatda bildirilir.
