Azərbaycan, Bakı, 2 iyun /Trend/
Tranzit daşınmalarında olan maneələrin aradan qaldırılması və avtonəqliyyat vasitələrinin sürücülərinə çoxdəfəli gediş və nəqliyyat vizalarının verilməsi iyunun 22-23-də İƏT-in tranzit nəqliyyatı üzrə Koordinasiya Şurasının dəmir yolu və avtonəqliyyat üzrə alt komitəsinin iclasında müzakirə ediləcək.
İclasda Azərbaycan Nəqliyyat Nazirliyinin nümayəndələri iştirak edəcəklər.
Görüş zamanı, həmçinin, dəmir yolu nəqliyyatı ilə sərnişin və yükdaşınmasının prosedurları, vaqonların istifadə qaydalarının hazırlanması, dəmir yolu infrastrukturunun inkişafı, İƏT bölgəsində avtonəqliyyat vasitələrinə olan texniki tələblər və başqa məsələlər müzakirə olunacaq.
