Azərbaycan, Bakı, 21 iyun /Trend, müxbir H.Vəliyev/
ABŞ hökuməti Azərbaycan Respublikasının baytarlıq laboratoriyasında "Bioloji təhlükənin azaldılması" layihəsi çərçivəsində yenidənqurma işlərinin başa çatdığını elan edib.
Amerika hökumətinin ayırdığı 1 milyon dollar məbləğində vəsaitlə binanın üçüncü mərtəbəsi BSL-2 səviyyəsində tam təmir olunub. İşlər 2007-ci ildən aparılır. Şöbə 11 otaqdan ibarətdir.
Bina elektrik enerjisi ilə təchiz olunmaq üçün generatorla təmin edilib, tullantıların utilizasiyası üçün qurğu tikilib. Laboratoiya xəstəliklərə elektron-nəzarət sistemi, yanğın təhlükəsizliyi sistemləri ilə təchiz olunub. Laboratoriyanın əməkdaşları üçün treninqlər təşkil edilib.