Аzərbaycan, Bakı, 7 iyul /Trend/
Azərbaycan bankı "Parabank" "Gənclik" filialını Nizami rayonuna köçürüb. İndi filial "Nizami" filialı adlanır, - bu barədə çərşənbə günü bankdan verilən məlumatda deyilir.
İndi bankın filialı bu ünvanda yerləşir: Nizami rayonu, Q.Qarayev prospekti, 27A.
Filialın yerləşdiyi məkanın dəyişilməsinin əsas səbəbi - əhaliyə göstərilən xidmətin təkmilləşdirilməsidir. Bankın yeni ofisi iş günləri saat 9:00-dan 18:00-a qədər xidmət göstərir.
"Nizami" filialı müştərilərə biznes-kreditlər, VISA plastik kartların verilməsi, valyuta mübadiləsi, Western Union, Contact, Migom, Privat Money, Caspian Money Transfer, "Золотая корона", "Быстрая почта", Azia Express kimi beynəlxalq sistemlər vasitəsilə pulköçürmələri xidmətlərini göstərir.
"Parabank" 1991-ci ildə ticari bank kimi fəaliyyətə başlayıb.