Аzərbaycan, Bakı, 9 iyul /Trend, müxbir E.İsmayılov/
"Azərbaycan Hava Yolları" QSC (AZAL) iyulun 17-dən etibarən Bakı-Zaqatala-Bakı aviareysini bərpa edəcək, - bu barədə cümə günü QSC-dən verilən məlumatda deyilir.
AZAL-dan verilən məlumatda deyilir ki, uçuşlar hər həftənin II və VI günləri Bakıdan saat 10:10-da, Zaqataladan isə saat 12:00-da yerinə yetiriləcək. Sözügedən marşrut üzrə uçuşlar "ATR" tipli təyyarələrlə yerinə yetiriləcək. Bir istiqamət üzrə bir aviabiletin qiyməti 52 manat, hər iki istiqamətə isə 104 manat təşkil edir.