Аzərbaycan, Bakı, 13 iyul /Trend, müxbir Т.Cəfərov/
İyulun 15-də Azərbaycan və İranın Nəqliyyat nazirliklərinin işçi qrupunun iclası baş tutacaq. Bu barədə çərşənbə axşamı İranın Azərbaycandakı səfirliyindən məlumat veriblər. Görüş İran Astarasında başlayacaq, daha sonra iclas iştirakçıları Azərbaycan Astarasına keçəcəklər.
Görüş zamanı avtonəqliyyat və avtomobil yolları ilə bağlı məsələlərin müzakirəsi gözlənilir.
İranı Yol və Avtomobil Nəqliyyatı Təşkilatının rəhbəri Şəhriyar Əfəndizadə təmsil edəcək. İclasda Azərbaycandan "Azəryolservis" ASC və "Avtonəqliyyatservis" departamentlərinin nümayəndələri iştirak edəcəklər.