Azərbaycan, Bakı, 22 iyul /Trend, müxbir İ.Xəlilova/
2010-cu ilin birinci yarısının yekunları üzrə "Bank Standard"ın avtomobillərin kreditləşdirilməsi üzrə portfeli 21,477 milyon manat təşkil edib ki, bu da bankın ümumi kredit portfelinin 5,7 faizini təşkil edir. Bu barədə cümə axşamı bankdan məlumat verilib.
Bu il "Bank Standard" yeni avtokreditləşmə proqramının həyata keçirilməsinə başlayıb. Həmin proqram çərçivəsində faiz dərəcələri 16 faizdən başlayır, minimum ilkin ödəmələr isə avtomobilin qiymətinin 30 faizini və maksimum müddət 36 ay təşkil edir.
"Bank Standard"da avtomobil kreditinin sənədləşdirilməsi prosesinin sadələşdirilməsi və minimum sənəd paketi kreditin sənədləşdirilməsinin və avtomobilin alınmasının sürətini təmin edir", - bankdan bildiriblər.
Bankdan deyildiyi kimi, yeni proqram üzrə buraxılış ilinin konkret markası olan avtomobillər kreditləşdirilir. Yeni proqrama görə, avtomobilin qiymətləndirmə və sığorta şirkətləri vasitəsilə dəqiq qiymətləndirilməsi həyata keçirilir.
Əvvəllər avtomobil alarkən kreditin əldə olunması zamanı komissiyaya 200 manat və kreditin məbləğinin 1,8 faizi həcmində vəsait ödəmək lazım idi. Kreditin ödənilməsi müddəti 24 ay təşkil edir. Rəsmi avtomobil salonları üçün fərdi şərtlər mövcuddur.
İyulun 22-nə olan rəsmi məzənnə 0,8038 AZN/USD təşkil edir.