...

Azərbaycanda elektrik mühərrikləri istehsalçısı zavodu özəlləşdirilir

Biznes və iqtisadiyyat xəbərləri Materials 26 İyul 2010 17:03 (UTC +04:00)

Azərbaycan, Bakı, 26 iyul /Trend, müxbir İ.Xəlilova/

Azərbaycanın Əmlak Məsələləri Dövlət Komitəsi "Yeni BEMZ" ASC-nin səhmlərinin 98,45 faizinin satışı üzrə investisiya müsabiqəsi elan edib. Bu barədə bazar ertəsi Dövlət Komitəsindən bildiriblər.

İnvestisiya paketi investisiya müsabiqəsinin standart paketindən (85 faiz) və əmək kollektivinə satılan güzəştli satışın qalığından (13,45 faiz) formalaşıb.

Müsabiqədə iştiraka həm yerli, həm də xarici investorlar buraxılırlar.

Namizədlər investisiya təklifinin dəyəri üzrə 5 faizlik bank zəmanətini, dövlət büdcəsinə 800 min manatın köçürülməsi və Dövlət Komitəsinə 35 min özəlləşdirmə payının verilməsi üzrə təklifləri təqdim etməlidirlər. Namizədin öhdəliklərin yerinə yetirilməsi üzrə niyyətinin ciddi olmasını təsdiq etmək üçün istənilən bankın 250 min manat məbləğində zəmanət məktubunun təqdim edilməsi tələb olunur.

Namizədlər yeni texnologiyaların tətbiqi, məhsul çeşidinin genişləndirilməsi, yeni iş yerlərinin bərpası və yaradılması üzrə investisiya proqramını təqdim etməlidirlər.

Müsabiqə iştirakçıları özəlləşdirmə planı ilə 24 avqust 2010-cu il saat 10:00-dan 17:30-dək Bakı şəh., Y.Səfərov küç, 20 ünvanında tanış ola və burada əlavə məlumat əldə edə bilərlər. İştirak ərizələri və təkliflər 24 avqust 2010-cu il saat 10:00-dan 17:30-dək qəbul edilir.

"Yeni BEMZ" ASC Bakının Nərimanov rayonunda Köndələn küç, 3 ünvanında yerləşir. Müəssisə müxtəlifölçülü elektrik mühərriklərinin və xalq istehlakı mallarının istehsalında ixtisaslaşıb.

SC-nin nizamnamə kapitalı 3,196 milyon manat təşkil edir. Bu məbləğə hər birinin nominal dəyəri 2 manat olan 1 598 170 səhm duraxılıb. Müsabiqənin predmetini nominal dəyəri 3,147 milyon manat olan 1 573 392 səhm təşkil edir.

Müəssisənin 2 525,198 min manat məbləğində, o cümlədən əməkhaqqı üzrə 138,620 və 2 386,578 min manat mal, görülən işlərə və göstərilən xidmətlər görə borcu daxil olmaqla, öhdəliyi var. Müəssisənin debitor borcu 869 946,42 manatdır. Müəssisə 1947-ci ildən fəaliyyət göstərir. Onun əməkdaşlarının sayı 385 nəfərdir.

İyulun 26-na olan rəsmi məzənnə 0,8036 AZN/USD təşkil edir.

Xəbər lenti

Xəbər lenti