Azərbaycan, Bakı, 27 iyul /Trend, müxbir E.İsmayılov/
Azərbaycan Nəqliyyat Nazirliyinin "Azəryolservis" Açıq Səhmdar Cəmiyyəti Bakı-Şamaxı avtomobil yolunun bir hissəsinin (15-45 km) tikintisi çərçivəsində texniki nəzarət xidmətlərinin göstərilməsi ilə bağlı maraqların sorğusunu keçirir. Bu barədə çərşənbə axşamı rəsmi mətbuatda yayılan məlumatda deyilir.
Layihə avtomobil yolunun indiki iki zolaqdan dördzolaqlıyadək genişləndirilməsini nəzərdə tuttur. Yolun yenidən qurulması üzrə işlər Azərbaycan hökumətinin Beynəlxalq Yenidənqurma və İnkişaf Bankından və Beynəlxalq İnkişaf Assosiasiyasından aldığı kreditlər hesabına aparılır.
Məlumatda deyildiyinə görə, tender 30 ay ərzində texniki nəzarət üzrə xidmətin göstərilməsini nəzərdə tututr. Sorğu ilə bağlı cavablar cari ilin avqustun 3-dən gec olmayaraq təqdim edilməlidir. Konsultantlar Dünya Bankının müəyyənləşdirdiyi prosedurlar əsasında seçiləcək.
Maraqlı konsultantlar əlavə məlumatın əldə edilməsi üçün aşağıda göstərilən ünvana Bakı vaxtı ilə saat 10:00-dan 16:00-dək müraciət edə bilərlər.
Əlaqə:
"Azəryolservis" ASC
AZ 1010 Бакı, Üzeyir Hacıbəyov küç, 72/4
теl.: (+994 12) 493 00 45,
faks: (+99412) 493 46 65
E-mail: [email protected]
