Azərbaycan, Bakı, 2 avqust /Trend/
Mərkəzi Bank yanında fəaliyyət göstərən Azərbaycan İpoteka Fondu adlı sənədsiz təmin olunmamış ipoteka istiqrazları üzrə ilk faiz ödənişlərini həyata keçirib. Bu barədə AİF-in bazar ertəsi yayılan məlumatında deyilir.
"Ödəniş günü 31 iyul tarixi qeyri-iş gününə təsadüf etdiyindən, avqust 2-nə keçirilib", - məlumatda qeyd edilib.
İstiqrazların emissiya prospekti Qiymətli Kağızlar üzrə Dövlət Komitəsi tərəfindən 30 dekabr 2009-cu il tarixində qeydə alınıb. Emissiyanın ümumi həcmi 75 milyon manat təşkil edir, bir istiqrazın nominal dəyəri 1 000 manat, istiqraz üzrə faiz dərəcəsi 3,25% təşkil edir.
İstiqrazların son ödənilmə vaxtı 11 dekabr 2019-cu il tarixinə təyin edilib.
Bu istiqrazların yerləşdirilməsinə 01 fevral 2010-cu il tarixində başlanılacaq. Bu günədək 49 milyon mant həcmində istiqraz yerləşdirilib.
Avqustun 2-nə olan rəsmi məzənnə 0,8034 AZN/USD təşkil edir.