Azərbaycan, Bakı, 21 avqust/Trend, müxbir İ.Xəlilova/
Beynəlxalq Maliyyə Korporasiyası (IFC) öz maliyyə resurslarını ticarətin dəstəklənməsinə yönəltməklə, Mərkəzi Asiya və Azərbaycanda ipoteka kreditləşməsi üzrə layihə çərçivəsində maliyyələşməni bir il təxirə salıb. Bu barədə şənbə günü Azərbaycanın bank dairələrindən bildiriblər.
"Mənzil maliyyələşməsi proqramı çərçivəsində iki Azərbaycan bankı "İFC"dən ümumilikdə 20 milyon dollar məbləğində ipoteka alıb", - mənbə deyib.
Korporasiya "UniBank" üçün yeddi il müddətinə 15 milyon dollar məbləğində, "Dəmirbank" üçün 5 milyon dollar məbləğində kreditin ayrılmasını bəyənib. İFC yerli beş bankdan dördünə ipotekanın inkişafı üçün 40 milyon dollar verməyə hazır olub.
Bununla yanaşı, maliyyə korporasiyası Azərbaycan, Qazaxıstan, Qırğızıstan və Tacikistanda kommersiya banklarına bank sektorunun ipoteka proqramlarının həyata keçirilməsində və ya yaxşılaşdırılmasında konsultativ xidmətləri göstərməkdə davam edir. Mərkəzi Asiya və Azərbaycanın bankları ipoteka proqramlarının inkişafı üçün yüksək keyfiyyətli konsultativ xidmətləri almaqda maraqlı olduqlarını bildiriblər.
"Layihə ipoteka kreditləşməsi sahəsində kommersiya banklarına qabaqcıl təcrübənin verilməsi yolu ilə yerli ipoteka bazarları üçün uzunmüddətli və etibarlı təməl yaratmağa kömək edəcək. Bazarın indiki qeyr-sabit vəziyyətində bu həmişəkindən daha çox vacibdir. Bu layihənin aktuallığını bir daha təsdiq edir", - bundan əvvəl ipoteka kreditləşməsi üzrə layihənin Mərkəzi Asiya və Azərbaycandakı rəhbəri Hart Bedford deyib.
Məqsədyönlü ölkələrdə bütün bank sektorları ipoteka kreditləşməsi üzrə müxtəlif təcrübəyə malikdirlər. Onlardan ən sanballı Qazaxıstan sektoru hesab olunur. Lakin Qazaxıstan bankları anlayır ki, keyfiyyət portfelinin təmini və gələcək sekyuritizasiyanın təməlinin yaradılamsı üçün növbəti təkmilləşdirməni aparmaq lazımdır. İFC məhsulların hazırlanmasında köməyin göstərilməsi, eləcə də buraxılış, anderraytinq və xidmət daxil olmaqla, hər bankın konkret tələbatını nəzərə alaraq, ipoteka kreditləşməsi prosesinin daha yaxşı praktikasını təqdmi etməyə hazırdır.
Hazırda korporasiya Azərbaycanın Mərkəzi Bankına "İpoteka istiqrazları haqqında" qanun layihəsinin hazırlanmasında və Azərbaycan İpoteka Fonduna ölkədə ipoteka kreditləşməsinin inkişafının bazar modeli üzrə biznes-planın hazırlanmasında kömək edir.
Azərbaycanın ipoteka bazarının potensialı 1-1,5 milyard avro səviyyəsində qiymətləndirilir, lakin hazırda ipoteka portfeli 300 milyon avro civarında qiymətləndirilir.
AİF 2005-ci ilin dekabr ayında yaradılıb. 2006-cı ilin martından ipoteka kreditlərinin verilməsinə başlanılıb. 2007-ci ilin iyununda fond maliyyə çatışmazlığı ilə əlaqədar olraq kreditlərin verilməsini dayndırıb, 2009-cu ilin iyununda isə kreditləşməni bərpa edib.
