PremiumSon iki ildə ilk dəfə olaraq Bakıda torpağın bir sotunun orta qiyməti artıb

Azərbaycan, Bakı, 23 avqust /Trend, müxbir A.Axundov/

Son iki ildə ilk dəfə olaraq Bakıda torpağın bir sotunun orta qiymətinin artması müşahidə olunub. Bu barədə bazar ertəsi "Əmlak Bazarı İştirakçıları" İctimai Birliyindən bildirilib.

İyulda Bakıda torpağın bir sotunun orta qiyməti 0,5 faiz artmaqla 14 136 dollara çatıb. İyunda bu göstərici 14 062 dollar olub.

"Qiymət artımı şəhərin ikinci və üçüncü zonalarında müşahidə edilib. Birinci və dördüncü zonalarda torpaqların qiyməti azalmağa başalyıb ki, bu da bazar qiymətinin real qiyməti üstələməsi ilə bağlıdır", - İctimai Birlikdən deyilib.

Təşkilat ekspertlərinin hesablamalarına görə, şəhərin mərkəzində torpaq sahələrinin qiymət artımı paralel olaraq şəhərin birinci zonasında tələbatın və qiymətlərin azalmasına səbəb olub.

İyundan fərqli olaraq, iyul ayında dördüncü zonada qiymətlərin azalması tədricən nisbi xarakter almağa başlayıb.

Qiymətlərin real maya dəyərindən artıq olması torpaq gəlirinə ciddi təsir eməsə də, ekspozisiya dövrünün artmasına və likvidlik səviyyəsinin azalmasına gətirib çıxarıb.

Bununla yanaşı, mülkiyyətin bu növünə marağın azalmasına səbəb torpaq sahələrinin girov predmeti ola bilməməsindədir.

İyunda ən çox qiymət azalması Bakının Səbail rayonunda (0,6 faiz) müşahidə olunub. Ən çox qiymət artımı Bakının Qaradağ rayonunda (0,9 faiz) olub.

Yay mövsümü ilə əlaqədar olaraq Bakının Xəzər rayonunda torpaq sahələrinin qiyməti 0,3 faiz artıb. Ötən ay torpaq bazarında ən fəal Binəqədi və Xətai rayonları olub. Ən passiv isə ötən aylarda olduğu kimi Nəsimi rayonu olub.

İyunda ən bahalı topraq sahəsi bir sotu 250 min dollar olmaqla Bakının Nəsimi rayonunda, ən ucuzu isə (bir sotu 350 dollara) Abşeron rayonunda təklif olunub.

İyunda Bakının Yasamal rayonunda qiymətlərdə xeyli azalma (0,7 faiz) müşahidə olunub. Yay mövsümü ilə əlaqədar olaraq Bakının Xəzər rayonunda torpaq sahələrinin qiyməti 0,3 faiz artıb.

İyulda Bakının torpaq bazarına 797,1 hektar torpaq təklif olunub. Bunların 78 faizi boş sahələr, qalan hissəsi isə yaşayış sahələrinin və köhnə yaşayış sahələrinin payına düşür.