Azərbaycan, Bakı, 11 sentyabr /Trend, müxbir N.İsmayılova/
"Anglo Asian Mining PLC" şirkəti qızılın yüksək qiymətinin qorunması hesabına kapitallaşmaya ümid edir. Bu barədə şirkətin məlumatında deyilir.
Gədəbəy yatağında qızıl istehsalı, həmçinin mədənlərin effektivliyi aydan-aya artır, resursların qiymətləndirilməsi xeyli yaxşılaşdırılıb.
"Buna görə də biz hesab edirik ki, qızılın qiymətinin əlverişli mühiti sayəsində kapitallaşdırılmaq üçün ideal vəziyyətdəyik", - məlumatda qeyd olunub.
Şirkətin proqnozlarına əsasən, üçüncü rübdə qızıl hasilatının həcmi menecmentin gözləntilərinə uyğun olmalıdır. Şirkət resursların əhatəsini də genişləndirəcək ki, bu da Gədəbəydəki aparıcı yatağın iqtisadi baxımdan həyat qabiliyyətini sübut etməyə imkan verəcək. Buna əlavə olaraq, şirkət çoxsaylı qızıl mədənlərinin inkişafı və səhmdar dəyərinin artırılması, resurs bazasının möhkəmləndiriməsi üçün uznmüddətli strategiyasına hələ də sadiqdir.
Azərbaycanda yeganə qızıl istehsalçısı "Anglo Asian Mining PLC" şirkəti ilin birinci yarısında Azərbaycanın Gədəbəy qızıl mədənində 28,493 unsiya qızıl istehsal edib.
"Anglo Asian Mining PLC" şirkəti 1997-ci ilin avqustunda Azərbaycan hökuməti ilə imzalanmış PSA tipli sazişə əsasən, Azərbaycanın cənub-qərbi - Gədəbəy, Ordubad, Qoşabulaq, Qızılbulaq, Vejnəli və Söyüdlüdə 6 yatağın istismar hüququna malikdir.
