Gürcüstan, Tbilisi, 16 sentyabr /Trend, müxbir N.Kirsxaliya/
Gürcüstanın xarici borcunun və dövlət zəmanəti ilə götürülən kreditlərin ümumi həcmi 31 avqust 2010-cu il tarixinə 3 574,306 milyon dollar təşkil edib. Bu barədə ölkənin Maliyyə Nazirliyindən bildiriblər. Dövlətin cari xarici borcu 2 528,943 milyon dollar təşkil edir.
Gürcüstanın 17 ölkə sırasında ikitərəfli kreditorlarına ümumi borcu 542,036 milyon dollar təşkil edir. Kreditor ölkələr sırasında Avstriya (663 min dollar), Azərbaycan (14,243 milyon dollar), Türkmənistan (211 min dollar), Türkiyə (30,076 milyon dollar), İran (11,137 milyon dollar), Rusiya (117,438 milyon dollar), Ermənistan (16, 974 milyon dollar), Özbəkistan (355 min dollar), Ukrayna (324 min dollar), Qazaxıstan (27,774 milyon dollar), Çin (4,41 milyon dollar), Almaniya (187,038 milyon dollar), Yaponiya (58,867 milyon dollar), Küveyt (23,283 milyon dollar), Niderland (8,495 milyon dollar), ABŞ (36,787 milyon dollar), Fransa (5,961 milyon dollar) var.
Yerləşdirilən dövlət qiymətli kağızlarına (avrobondlar) 500 milyon dollar cəlb edilib.
Gürcüstanın beynəlxalq maliyyə institutlarına olan borcu cəmi 2 528,943 milyon dollar təşkil edir. Bunlardan Dünya Bankına 1 238,52 milyon dollar, Beynəlxalq Valyuta Fonduna 1 034,056 milyon dollar, Avropa İttifaqına 17,157 milyon dollar, Avropa Yenidənqurma və İnkişaf Bankına 25,857 milyon dollar, Kənd Təsərrüfatının İnkişafı Beynəlxalq Fonduna 20,539 milyon dollar, Asiya İnkişaf Bankına 192,812 milyon dollar borc təşkil edir.
Bundan başqa, Gürcüstanın kreditorları sırasında Almaniya da var. Dövlət zəmanəti ilə ondan 3,327 milyon dollar götürülüb.