...

Azərbaycanda "Mona Liza" holland kartof növünün becərilməsi planlaşdırılır

Biznes və iqtisadiyyat xəbərləri Materials 21 Sentyabr 2010 17:30 (UTC +04:00)

Azərbaycan, Bakı, 21 sentyabr /Trend, müxbir A.Axundov/

Azərbaycan İqtisadi İnkişaf Nazirliyinin Sahibkarlığa Kömək Milli Fondu (SKMF) ölkəyə kartof və soğan toxumlarının tədarükü və ölkə ərazisində bu kənd təsərrüfatı məhsullarının becərilməsi ilə bağlı layihələrin həyata keçirilməsi üzrə tədbirlər keçirir. Bu barədə çərşənbə axşamı Fondun icraçı direktoru Şirzad Abdullayev bildirib.

Onun sözlərinə görə, bununla əlaqədar Fonda sahibkarlıq subyektləri tərəfindən müvafiq investisiya layihələrinin verilməsi gözlənilir.

"Bu layihə çərçivəsində ölkəyə artıq Azərbaycanda uğurla istifadə edilən və böyük məhsuldarlıq verən "Mona Liza" holland kartof növünün toxumunun tədarükü nəzərdə tutulur. İlin sonunadək ölkəyə bu kartofun 500 ton toxumunun tədarükü gözlənilir", - Abdullayev qeyd edib.

Abdullayevin sözlərinə görə, bu layihənin uğurla həyata keçiriləcəyi təqdirdə, Azərbaycana kartofun digər oxşar növlərini də gətirmək olar.

Xəbər lenti

Xəbər lenti