...

Azərbaycan Mərkəzi Bankı 2011-ci ildə yeni prudensial hesabatın tam tətbiqinə keçməyi planlaşdırır

Biznes və iqtisadiyyat xəbərləri Materials 5 Oktyabr 2010 19:52 (UTC +04:00)

Azərbaycan, Bakı, 5 oktyabr /Trend, müxbir N.İsmayılova/

Azərbaycan Mərkəzi Bankı (AMB) 2011-ci il yanvarın 1-dən etibarən yeni prudensial hesabatın tam tətbiqinə keçməyi planlaşdırır. Bu barədə çərşənbə axşamı Azərbaycan Mərkəzi Bankının (AMB) Kredit təşkilatlarının fəaliyyətinə nəzarət departamentinin direktoru Rəşad Orucov deyib.

"7-8 bankda texniki problemlər var ki, Mərkəzi Bank da bunu həll edir. Bu, yeni hesabat sisteminə uyğunlaşdırılması lazım olan bankların əməliyyat sistemlərinin daxili problemləri ilə əlaqədardır", - Orucov qeyd edib.

Onun sözlərinə görə, AMB-nin daxili sistemi yeni prudensial hesabat sisteminə keçməyə hazırdır.

Ötən ilin oktyabrından etibarən banklar AMB-yə paralel şəkildə yeni və köhnə prudensial hesabatları təqdim edirlər.

Yeni hesabat "Bazel-2"nin yeni standartlarında da nəzərdə tutulub. Buna keçid üzrə Mərkəzi Bankın strategiyası var. Yeni hesabat üzrə bütün tələblər "Bazel-2" standartları ilə nəzərdə tutulur.

"Bazel-2" standartları risklərin qiymətləndirilməsi və kapitalın hesablanması üzrə xüsusi metoddur. Aİ və böyük dövlətlər hər il "Bazel-2" standartlarına tam keçidi təxirə salırlar. Belə ki, onlar makroprudensial göstəriciləri qiymətləndirir və bu standartlara kəskin keçidin maliyyə xidmətlərinə təsir edə biləcəyini görürlər. Bu isə real sektorun maliyyə xidmətlərinin azalmasına səbəb olar ki, bu da iqtisadi artımının sürətini azalda bilər.

Xəbər lenti

Xəbər lenti