Azərbaycan, Bakı, 8 oktyabr /Trend, müxbirlər E.İsmayılov, A.Axundov/
2011-ci ilin sonunadək Koreyanın "Ultra Construction & Engineering" tikinti şirkəti Yevlax-Gəncə (iki əlavə zolağın) avtomobil yolunun və Gəncə dairəvi yolunun tikinti layihəsi çərçivəsində işləri başa çatdırmağı planlaşdırır. Bu barədə cümə günü Azərbaycan Nəqliyyat Nazirliyindəki mənbə deyib.
Onun sözlərinə görə, bu layihə çərçivəsində işlər Cənubi Koreyanın "Şinhan Bank"ı tərəfindən 180 milyon dollar məbləğində verilən kreditlər çərçivəsində həyata keçirilir. Bu kredit resursları çərçivəsində Yevlax-Gəncə avtomobil yolunun 50 kilometrlik hissəsinin və uzunluğu 38 km olan Gəncə dairəvi yolunun tikilməsi nəzərdə tutulur.
Cümə axşamı Bakıda olan "Ultra" şirkətinin icraçı direktoru Hen Çon Kanın dediyi kimi, layihə çərçivəsində şirkət işlərin artıq 56 faizini görüb.
Onun sözlərinə görə, tikinti işlərinin görülməsi üçün şirkət üç daşdoğrayan qurğu, asfalt istehsalı üçün iki qurğudan istifadə edir, eləcə də müxtəlif təyinatlı 350 ədəd texnika cəlb edilib.
Koreya bankı ilə kredit sazişi ölkə Parlamenti tərəfindən 2007-ci ildə ratifikasiya edilib. Sazişə əsasən, kreditin verilmə müddəti ödənişin 4 ildən sonra edilməsi ilə 14 il müddətinə müəyyənləşib, fazi dərəcəsi isə ildə 0,8 faiz təşkil edir.