Gürcüstan, Tbilisi, 8 oktyabr /Trend, müxbir N.Kirsxaliya/
Cümə günü Gürcüstan və Tükiyə İstanbulda "Sarpi-Sarp", "Kars-Çıldır/Aktaş" və "Axalsıxa-Posof/Türkgözü" quru gömrük məntəqələrinin birgə istifadəsinə dair saziş imzalayıblar.
Gürcüstan tərəfdən sənədi maliyyə naziri Kaxa Bainduraşvili, Türkiyə tərəfdən dövlət naziri Həyati Yazıçı imzalayıblar. Bu barədə Trend-ə Gürcüstan XİN-dən bildiriblər.
Bu saziş quru gömrük məntəqələrinin birgə istifadəsinə dair qarşılıqlı anlaşma haqqında memorandumun yerinə yetirilməsində ilk addımdır. Bu sazişlə Gürcüstan-Türkiyə sərhədində yerləşən gömrük məntəqələrində eyni gömrük prosedurlarının təkrarlanması öhdəliyi ləğv olunur.
Sazişə əsasən, ölkədən çıxışda bir dəfə aparılan rəsmi bildiriş giriş-ölkənin səlahiyyətli orqanları üçün rəsmi bildiriş, giriş-ölkədə aparılan nəzarət isə çıxış-ölkə üçün nəzarət hesab olunacaq.
