Azərbaycan, Bakı, 21 oktyabr /Trend/
"DəmirBank"ın aktivləri 2010-cu il oktyabrın 1-də 299,6 mln manat təşkil edib, bu isə ötən ilin müvafiq göstəricisi ilə müqayisədə 48,6 mln manat və ya 19,4% çoxdur. Müştərilərə verilən kreditlərin həcmi isə bu dövr ərzində 35,3 mln manat və ya 19,2% artaraq, 219,7 mln manatı keçib.
Bankda müştəri depozitlərinin həcmi 2010-cu il oktyabrın 1-də 97,8 mln manat olub. Əhalinin əmanətlərinin həcmi həmni dövrdə 80,4 mln manat təşkil edib ki, hesabat dövrü ilə müqayisədə, bu göstərici 27,9% və ya 17,6 mln manat çoxdur.
Bankın nizamnamə kapitalı 2010-cu il oktyabrın 1-də 19 mln manat, məcmu kapitalı isə 48,8 mln manat olub.
Ölkənin ilk banklarından olan "DəmirBank" (əvvəlki adı "Azərdəmiryolbank") 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.