Azərbaycan, Bakı, 23 oktyabr/Trend, müxbir A.Axundov/
Yanvar-sentyabr aylarında Azərbaycanda tikinti işlərinin həcmi ötən ilin analoji dövrü ilə müqayisədə 31,9 faiz artıb. Bu barədə şənbə günü Azərbaycan Dövlət Statistika Komitəsindən verilən məlumatda deyilir.
O cümlədən dövlət və özəl şirkətlər tərəfindən həyata keçirilən tikinti işlərinin həcmi ümumi işin müvafiq olaraq 26,4 və 73,6 faizini təşkil edib.
Tikinti işlərinin ümumi həcminin 73,6 faizi ilkin tikinti, 18 faiz yenidənqurma və genişləndirmə, 17,3 faizi əsaslı təmir, 4,7 faizi cari təmir, 4,4 faizi isə digər tikinti işlərinin payına düşür.
Yanvar-avqust aylarında Azərbaycanın tikinti sektoruna 62,6 min nəfər cəlb olunub, bu sahədə əmək haqqının nominal səviyyəsi 2009-cu ilin yanvar-avqust aylarındakı göstəricidən 12,1 faiz çox olmaqla 502,2 manat, həmçinin dövlət şirkətlərində 362,2 manat (il ərzində 1,1 faiz azalma ilə), özəl şirkətlərdə isə 628,6 manat (22,8 faiz artımla) təşkil edib.
Böyük və orta tikinti şirkətlərində əməkhaqqının nominal səviyyəsi 524,9 manat təşkil edib. Bina tikintisi və xüsusi tikinti sahələrində əmək haqqının miqdarı bir ilə müvafiq olaraq 17,2 9 faiz artaraq 537,8 manat olub.
