PremiumYanvar-noyabrda Azərbaycanın xarici mal dövriyyəsi 25 milyard dolları ötüb

Azərbaycan, Bakı, 18 dekabr /Trend, müxbir İ.Xəlilova/

Azərbaycan Dövlət Gömrük Komitəsi yanvar-noyabr aylarında dünyanın 145 ölkəsi ilə aparılan xarici ticarət əməliyyatlarının yekunlarını elan edib. Bu barədə şənbə günü komitədən bildiriblər. Ölkənin ümumi mal dövriyyəsi 25,115 milyard dollar təşkil edib. Xarici ticarət əməliyyatlarında 13,692 milyard müsbət saldo yaranıb.

Bu müddət ərzində xarici ticarət əməliyyatlarında 7241 hüquqi və fiziki şəxs qeydə alınıb. Onlardan 3533-ü hüquqi, 3708-i isə fiziki şəxsdir.

2010-cu ilin yanvar-noyabrında ixrac əməliyyatları 19,404 milyard dollar olub ki, bu da 2009-cu ilin analoji dövrü (6,236 milyard dollar) ilə müqayisədə 47,36 faiz çoxdur.

İxracda dövlət sektorunun payı 18,387 milyard dollar (94,76 faiz), özəl sektorun payı 0,9 milyard dollar (4,64 faiz), fiziki şəxslərin payı isə 115,509 milyon dollar (0,6 faiz) təşkil edib.

Yanvar-noyabrda idxal 5,711 milyard dollar təşkil edib ki, bu da 2009-cu ilin anoloji dövrü ilə müqayisədə 4,8 faiz (0,261 milyon dollar) çoxdur.

İdxal əməliyyatlarında dövlət sektorunun payı 1,569 milyard dollar (27,49 faiz), özəl sektor 3,842 milyard dollar (67,26 faiz), fiziki şəxslərin payı isə 300,012 milyon dollar (5,25 faiz) olub.

On bir ay ərzində Azərbaycandan 2063 növdə mal ixrac, ölkəyə isə 5922 növdə mal idxal edilib.

Aşağıda Azərbaycanın əsas xarici ticarət tərəfdaşları göstərilib:

İxrac

İdxal