Azərbaycan, Bakı, 23 dekabr /Trend, müxbir Ü.İsmayılova/
Noyabrda Bakının tikinti materialları bazarında 0,8 faiz, ötən rüblə müqayisədə isə 0,7 faiz qiymət artımı olub. Bu barədə "Əmlak Bazarı İştirakçıları" İctimai Birliyinin cümə axşamı yayılan məlumatında deyilir.
"Ötən ilin analoji dövrü ilə müqayisədə qiymətlər 23 faiz, ilin əvvəli ilə müqayisədə isə 20,1 faiz artıb", - məlumatda deyilir.
Cədvəldə bəzi tikinti materiallarının qiymətlərindəki dəyişikliklər göstərilib:
|
Məhsulun adı |
Faizlə |
Məhsulun adı |
Faizlə |
|
Şüşə |
+1,93 |
DVP |
+3,57 |
|
Taxta |
+6,38 |
Armatur |
+0,51 |
|
Dikt |
+1,96 |
Künyə |
+4,74 |
|
Dam örtüyü |
-0,39 |
Qum |
-8,33 |
Noyabrda tikinti materiallarının qiymətlərində cüzi artım ağacdan olan materialların qiymətlərinin bahalaşması nəticəsində baş verib. Tikinti qumunun və dam örtüklərinin qiymətlərində ucuzlaşma müşahidə olunub.
Ötən ay ərzində tikinti materialları bazarının əsas çəkisini təşkil edən 38 adda, 88 növdə inşaat materiallarının qiyməti Birlik ekspertləri tərəfindən araşdırılıb. Yerli bazarda istehsal olunan məhsulların həcmi 53,41% təşkil edib, 46,59% mal idxal olunub.
Bazarın portfelində yerli tikinti materiallarının qiymətlərinin payı idxal olunan malların qiymətlərini 3,26 dəfə üstələyib.