Azərbaycan, Bakı, 24 dekabr /Trend, müxbir N.İsmayılova/
2011-ci ilin əvvəlində Kredit-Zəmanət Fondu (KZF) Azərbaycan bankına Almaniya İnkişaf Bankının (KfW) şərtləri ilə beynəlxalq bazarlarda kredit resurslarının cəlb edilməsi üzrə ilk zəmanəti verə bilər. Bu barədə cümə günü KZF-in işləyəcəyi Almaniya-Azərbaycan Fondunun (AAF) texniki meneceri Andreas Franke deyib.
"Dünya maliyyə böhranı səbəbindən banklar kredit xəttlərinin verilməsinə hazır olmayıblar, lakin indi fond danışıqlar aparır və ilk zəmanət 2011-ci ildə baş tuta bilər", - Franke qeyd edib.
Zəmanət Almaniya-Azərbaycan Fondunun tərəfdaşlarından birinə - "Bank of Baku", "Bank Respublika", "Unibank" "Parabank" "DəmirBank" və "AGBank"a verilə bilər. KZF-in başlıca şərti ondan ibarətdir ki, fondun zəmanəti əsasında cəlb edilən vəsaitlər KZF-in biznes-sxemi üzrə orta və kiçik biznesin inkişafına yönəlməlidir və ya banklar bu sektorda yerləşdirilən elə eyni məbləğdə portfeli yaratmalıdırlar.
KZF-in zəmanəti cəlb edilən kredit məbləğinin 90 faizi həcminə qədər verilə bilər, buna müvafiq olaraq qalan 10 faiz bankın şəxsi riskində olacaq.
KfW Azərbaycana Kredit-Zəmanət Fondunun yaradılmasına 4 milyon avro verib. Bunun 3,75 milyon avrosu fondun yaradılmasına zəmanət qismində, 0,25 milyon avrosu isə məsləhətçi xidmətlərinin ödənilməsinə görədir. Qalan vəsaitlər fonda Azərbaycan hökuməti tərəfindən köçürülüb.
2008-ci ilin avqustunda KfW Azərbaycan İqtisadi İnkişaf Nazirliyi ilə Almaniyanın Əmanət Kassaları üzrə Beynəlxalq Əməkdaşlıq Fondunun (SBFIC) məsləhətçisinin menecer kimi işləməsinə dair müqavilə bağlayıb.
Fond KfW-nin baş ofisində hesablaşma formasında fəaliyyət göstərməlidir. Azərbaycan bankları müraciət edərlərsə, məsləhətçi onları inandıracaq və KfW qarşısında zəmanətlə çıxış edəcək.